Säminuorâi taaiđâtábáhtus
1970-lovo rääjist
Säminuorâi taaiđâtábáhtus lii lamaš nuorâi lavkkiistemsaijeen jo masa vittlov ihheed. Tábáhtus nannee nuorâi kulttuur- já taaiđâpuđâldâsâid, oohtânkulluuvâšvuođâ já säämi identiteet. Säminuorâi taaiđâtábáhtusâst lii stuorrâ merhâšume nuorâi elimist sämikulttuurist.
.jpg)
.jpg)
Taaiđâtábáhtusah láá ilolâš já movtigis tábáhtusah
Škoovlâin láá rahttâttâm ubâ ive ilolii já ivnáás tábáhtus várás. Máttááttijjeeh tuárjuh já stivrejeh nuorâid. Tábáhtus fáálá nuoráid tilálâšvuođâ ovdediđ táiđuidis já čäittiđ taid iärásáid. Taaiđâtábáhtusân puávdejuvvojeh puoh Säämi párnááh já nuorah sehe puoh sämikielâ já sämikielâlii máttááttâsâst leijee párnááh já nuorah.
Taaiđâtábáhtus lii
säminuorâi kuáhtámsaje
Taaiđâtábáhtus kuulâi aalgâst oovtâst eres kuávlutábáhtusâiguin riijkâvijđosij nuorâi taaiđâtábáhtusâi rááiđun.
Tääl tot lii uási Nuorâ kulttuur –viärmáduvvâst siämmáá tääsist ko eres kuávlutábáhtusah, main väljejuvvojeh ovdâstijjeeh kiiđâ váldutábáhtusân teikkâ tiätu iivijn toollum Škoovlâi Stuorrâjuuhlán.
Válduteema meriduvvoo riijkâ tábáhtus tanssâ-, muusik- teikkâ teatterteema mield, mon lasseen ohjelmist lii ain miinii eromâšávt sämikulttuurân čonâdâttee teemâid. Säminuorâi taaiđâtábáhtus ulmen ij kuittâg lah tuše ärbivuáválij tuojij já tooimâi kattim, tondiet puohlágán taaiđâsyergih láá fáárust vuáruttuvâi. Sämiteeman láá lamaš el. kovetaaiđâ, tihtâkišto, juávkkusuáittim, ráiđukove, uánihisfiilmah, roolipihtâseh, mááccuh- já tuáijumčáitálduvah, livđum- já muusikpargopáájáh.
Taaiđâtábáhtus váldu-uárnejijjee lii Sämitige škovlim- já oppâmateriallävdikodde, já ornimijd koordinist škovlim- já oppâmaterialtoimâttâh. Ornimân uásálisteh meid sämmilij päikkikuávlu kieldah. Säminuorâi taaiđâtábáhtus kulá škovlâive pargo-ohjelmân já tábáhtusah tuállojeh škovlâoho ääigi. Säminuorâi taaiđâtábáhtus já riijkâvijđosáid tábáhtussáid uásálistem ruttâd Máttááttâs- já kulttuurministeriö.
